Д.Дорлигжавт 4 сая доллар өгсөн Т.Ганболд гадаадад гарчээ


2018 оны 12 сарын 25

Авлигатай тэмцэх газраас сар бүрийн 25-ны өдөр Хэвлэлийн бага хурал хийж, ажлаа тайлагнадаг. Өнөөдөр (2018.12.25) тус газрын “Олон нийтийн төв”-д ээлжит мэдээллээ хийж байна. Хэвлэлийн хурлын эхэнд 2018 оны арванхоёрдугаар сард шийдэгдсэн хавтаст хэргүүдийн болон  шалгаж байгаа хэргүүдийн талаар мэдээлэл өглөө. 

Хэвлэл бага хуралд АТГ-ын хэлтсийн дарга нар оролцож байгаа юм. Арванхоёрдугаар сард авлигаас сэргийлэх өдрүүд болж, тус газраас олон хэлэлцүүлэг, арга хэмжээ зохион байгуулсан байна.

Тус газраас хийсэн шалгалтаар зарим зөрчилтэй албан хаагчдад хариуцлага тооцжээ. Тухайлбал, Төв аймгийн Мэргэжлийн хяналтын  хэлтсийн даргыг үүрэгт ажлаас нь чөлөөлсөн байна.

Д.Дорлигжавт 4 сая доллар өгсөн гэх Т.Ганболд гадаад уруу гарсан

Товч мэдээллийн дараа сэтгүүлчдийн сонирхсон асуултад хариуллаа.

-ЖДҮХС-тай холбогдуулан хэдэн гишүүнийг шалгаж байгаа вэ?

-УИХ-ын нэр бүхий гишүүд АТГ-т ирж мэдүүлэг өгч байгаа. Нэлээд хэдэн гишүүн бий. Тоог нь хэлэх боломжгүй. Зээл авахад нөлөөлөл байсан эсэх талаар мэдүүлэг авч байна.  

-Салхитын мөнгөний ордтой холбоотойгоор авлигад өгөхөөр бэлтгэсэн байх магадлалтай 1.3 сая долларыг хятадуудад буцааж өгсөн гэсэн мэдээлэл гарсан?

- 1.3 сая америк долларыг буцааж өгөөгүй. Хэрэг шалгагдаж дуусаагүй байхад мөнгийг өгнө  гэсэн зүйл байхгүй.

-“Стандарт” банкинд Эрдэнэтийн 51 хувийг барьцаалсан  хэрэг ямар шатанд байна вэ?

- “Стандарт” банктай холбоотой хэргийг шалгаад дууссан. Өнөө маргаашгүй прокурорт шилжүүлнэ.

-Улсын ерөнхий прокурор асан Д.Дорлигжав 4 сая долларын авлига авсан байж болзошгүй мэдээлэл гарсан. Шалгаж байгаа юу?

-Ерөнхий прокурор асан Д.Дорлигжав дөрвөн сая долларын авлига авсан тухай хэвлэл мэдээллийн байгууллагуудаар дамжин мэдээлэгдсэн. Д.Дорлигжавт дөрвөн сая доллар өгсөн гэх хүн нь гадаад гараад явсан учраас хүлээгдэж байна.



АНХААРУУЛГА: Уншигчдын бичсэн сэтгэгдэлд todaynews.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ


Д.Дорлигжав нар ...
Хан-Уул дүүргийн эрүүгийн хэргийн анхан шатны
2019 оны 01 сарын 09

Эрчим хүчний са ...
Эрчим хүчний сайд асан М.Сономпилыг “Ам
2019 оны 01 сарын 09

Хүүхдүүдийн чөл ...
Онцгой байдлын ерөнхий газраас “Улаанба
2019 оны 01 сарын 03

Энэ оны 1 сарын ...
Энэ оны нэгдүгээр сарын 1-ний өдрөөс эхлэн са
2019 оны 01 сарын 03


Иргэний индэр