Г.Ёндонг "Эрдэнэт"-ийн захирлаар, Х.Бадамсүрэнг УУХҮЯ-ы ТНБДаргаар томилжээ

Монгол Улсын Засгийн Газар бүтэц, бүрэлдэхүүнээ шинэчлэсний дараах анхны хуралдаанаа хийж байна.Хурлаар хэд хэдэн томилгоотой холбоотой асуудлыг шийджээ.

Тодруулбал Хүнс, Хөдөө Аж Ахуй, Хөнгөн үйлдвэрийн сайд асан З.Мэндсайханг Эрдэнэбүрэнгийн усан цахилгаан станцын төслийн нэгжийн захирлаар, "Эрдэнэт үйлдвэр" ТӨҮГ-ын Захирал Х.Бадамсүрэнг Уул уурхай хүнд үйлдвэрийн яамны Төрийн нарийн бичгийн даргаар, Уул уурхай хүнд үйлдвэрийн Сайд асан Г.Ёндонг "Эрдэнэт үйлдвэр" ТӨҮГ-ын Ерөнхий Захирлаар, Эрчим Хүчний Сайд асан П.Тавинбэхийг Эрчим хүчний яамны Төрийн Нарийн Бичгийн Даргаар, Зам Тээврийн Хөгжлийн Яамны дэд сайд Ж.Бат-Эрдэнийг Хүнс Хөдөө Аж Ахуй, Хөнгөн үйлдвэрийн дэд сайдаар , Б.Болор-Эрдэнийг Цахим хөгжил, харилцаа холбооны яамны дэд сайдаар, Зам Тээврийн Хөгжлийн Сайд асан Л.Халтарыг Зам Тээврийн Хөгжлийн  дэд сайдаар тус тус томилсон байна.