Японы Mitsubishi Aircraft компани шинэ төсөл хэрэгжүүлнэ

A- A A+
Японы Mitsubishi Aircraft компани шинэ төсөл хэрэгжүүлнэ

Японы Mitsubishi Aircraft компани иргэний зорчигч тээврийн зориулалтаар нисэх онгоц үйлдвэрлэх төсөл хэрэгжүүлэхээр ажиллаж байна. Японы компани ийм төсөл хэрэгжүүлэхээр эртнээс төлөвлөж байсан хэдий ч 5 удаа хойшлуулж байжээ.

Тэгвэл Mitsubishi Aircraft компани шинэ төслийнхөө талаар Францын нийслэл Парис хотын дор болж байгаа олон улсын авиасалоны үеэр мэдэгдсэн байна. Японд үйлдвэрлэн угсарсан хамгийн анхны зорчигч тээврийн онгоц нь Mitsubishi Regional Jet нэртэй байсан юм.

Тэгвэл сүүлд энэхүү онгоцны нэр болоод гадна байдлыг өөрчлөн Mitsubishi SpaceJet нэртэйгээр иргэний агаарын тээвэрт нэвтрүүлж байжээ. Тэгвэл одоо иргэний зорчигч тээврийн зориулалтаар нисэх онгоц үйлдвэрлэх төсөл хэрэгжүүлэхээр ажиллаж эхлээд байна.