Санхүүгийн зохицуулах хорооны 2019 оны ээлжит хуралдаан болов

A- A A+
Санхүүгийн зохицуулах хорооны 2019 оны ээлжит хуралдаан болов

Санхүүгийн зохицуулах хорооны 2019 оны ээлжит XII хуралдаан болж нийт 20 асуудлыг хэлэлцэн шийдвэрлэлээ.

Хуралдаанаар “Өмгөөллийн БЭЗ партнерс” ХХН, “Өмгөөллийн заргач зараа” ХХН-үүдийг үнэт цаасны зах зээлд оролцогчдод хууль зүйн зөвлөгөө үзүүлэх хуулийн этгээдээр бүртгэж, “Эдванс кредит ББСБ” ХХК-ийн банк бус санхүүгийн байгууллагын үйл ажиллагаа эрхлэх тусгай зөвшөөрлийг сэргээлээ. Үнэт цаас, даатгалын үйл ажиллагаа эрхэлдэг ХХК-иудын эрх бүхий албан тушаалтныг томилох, нэр бүхий иргэдэд даатгалын төлөөлөгчийн үйл ажиллагаа эрхлэх эрх олгох, эрхийг цуцлах асуудлыг зөвшөөрч, хувь нийлүүлсэн хөрөнгийн хэмжээ, хувьцаа эзэмшигчдийн бүтэц, бүрэлдэхүүний өөрчлөлтүүдийг бүртгэв. Мөн үйл ажиллагаанд нь зөрчил дутагдал илэрсэн зарим ББСБ, ХЗХ-ны үйл ажиллагаа эрхлэх тусгай зөвшөөрлийг түдгэлзүүлж, хүчингүй болголоо. 

Хуралдаанаар “Мөнгө угаах болон терроризмыг санхүүжүүлэхтэй тэмцэх чиглэлээр банкнаас бусад мэдээлэх үүрэгтэй этгээдэд зайны болон газар дээрх хяналт шалгалт хийх журам”-д нэмэлт өөрчлөлт оруулах асуудлыг хэлэлцэж шийдвэрлэлээ. Ингэснээр мэдээлэх үүрэгтэй этгээдийн үйл ажиллагаа, удирдлага зохион байгуулалтад өөрчлөлт орох тухай бүрт эрсдэлийн хувийн хэргийг шинэчилж, тус үнэлгээнд тулгуурлан хяналт шалгалт хийх нөхцөл бүрдэж байна гэж Санхүүгийн зохицуулах хорооноос мэдээллээ.