LIVE МЭДЭЭ
Олон нийтийн сүлжээнд цацагдсан мэдээллийн дагуу НМХГ-аас 2019 оны 08 дугаар сарын 17-ны өдөр шалгахад Баянхонгор аймгийн Бууцагаан сумаас иргэн А худалдан авсан гэх 470 толгой ямааг хүнд даацын ачааны автомашинаар, таван давхар сараалжид тээвэрлэж, СХД-ийн 32 дугаар хороо, Эмээлтэд байрлах Дун Фан интернэйшнл трэйд компанийн хашаанд буулган, Сонгино хайрхан дүүргийн мал эмнэлгийн тасгийн эрхлэгч байлцан хүлээж авсан байв.
Шалгалтаар тээвэрлэлтийн явцад 3 ямаа үхэж хорогдсон, мөн 3 ямаа муужралтын байдалтай, 45 ямаа дарагдаж тамиргүй болсон, босч чадахгүй байв. Иймд тус үйлдвэрийн дарга, малын эмч нарыг байлцуулан ерөнхий үзлэг хийж, бэлчээрт гарган, малын эмчийн хяналтад байх үүрэг өглөө. Эдгээр 470 ямаанд Баянхонгор аймгийн Бууцагаан сумаас мал амьтны гарал үүслийн гэрчилгээ олгосон байна.
2019 оны 08 дугаар сарын 19-ний өдөр дахин үзлэг хийхэд муужралтын байдалтай байсан 3 ямаа нэмж хорогдсон байсан бөгөөд үхэж хорогдсон 6 ямааг дүүргийн Мал эмнэлгийн тасгийн хяналтад шатааж, булж устгуулан, иргэн А-д зөрчлийн хэрэг үүсгэн шалгаж байна гэж Мэргэжлийн хяналтын ерөнхий газраас мэдээллээ.
