LIVE МЭДЭЭ
Нэгдүгээр сарын 7-ноос хоёрдугаар сарын 11-ны хооронд 86 сэжигтэй тохиолдол илрүүлжээ. Үүнээс 66 нь Буянт Ухаа боомт дээр, 5 нь Замын-Үүдийн боомт, 3 сэжигтэй тохиолдлыг Хавиргын боомтоор илрүүлсэн байна. Харин өчигдөр нэмж 12 сэжигтэй тохиолдлыг Гашуунсухайт боомт дээр илрүүлж, шинжилгээний сорьцыг ХӨСҮТ рүү явуулсан байна.
Энэ талаар МХЕГ-ын Улсын ахлах байцаагч Т.Төмөрбаатар " МХЕГ-аас халдварт өвчин болон эрүүл мэндийн хяналт тавьж байна. Монгол Улсын иргэдийг БНХАУ руу дипломат болон эрүүл мэндийн шалтгаанаар явахыг зөвшөөрч байгаа. Хөх хот, Бээжингийн эмнэлгүүд маш их ачаалалтай ажиллаж байгаа, тэр хэрээр халдвар эрсдэл өндөр байгаа учраас тус улсын эрүүл мэндийн байгууллагад хандах эсэхээ сайтар бодож үзэх хэрэгтэй. Бид 26 боомтоос мэдээллээ авч байна. Хамгийн ачаалалтай байгаа нь Замын-Үүд, Буянт-Ухаа боомт болон ОХУ-аас зорчигчид орж ирж байгаа Сүхбаатарын Алтанбулаг боомт. Оросод хоёр тохиолдол илэрсэн тул Алтанбулаг боомтоор Оросоос орж ирж байгаа болон Орос руу явж байгаа иргэдэд хяналт тавьж байна" гэлээ.
