LIVE МЭДЭЭ
ҮХЦ-ийн дунд суудлын өнөөдрийн хуралдаанаар Ерөнхийлөгчийн ээлжит сонгуульд Х.Баттулга дахин дэвших боломжтой эсэхийг хэлэлцэх байсан ч тодорхойгүй шалтгааны улмаас хойшилсан байна.
2019 онд Үндсэн хуулийг өөрчилснөөр одоогийн Ерөнхийлөгчөөр ажилласан хүмүүс дахин нэр дэвших боломжгүй гэсэн мэдээллийг хэд хэдэн хуульчийн зүгээс ҮХЦ-д гаргасан байдаг. Өнөөдрийн хуралдаанд оролцсон хуульч Д.Үүрцайхаас энэ талаар тодруулахад “Цэцийн дунд суудлын хуралдааныг хойшлуулчихлаа. Ингэхдээ бидэнд ямар ч мэдээлэл өгсөнгүй. Ц.Нанзаддорж гишүүн хуралд оролцохоос татгалзсан гэж ойлголоо. Хуралд оролцсон бид ямар ч мэдээлэл авч чадаагүй байхад хэвлэл мэдээллийн хэрэгслээр аль хэдийнэ Цэцийн шийдвэрийг мэдээлчихсэн. Х.Баттулга Ерөнхийлөгчийн талаас мэдээлэл тараасан гэж ойлгож байна. Дунд суудлын хуралдааны бүрэлдэхүүнийг ч бидэнд мэдээлсэнгүй. Ц.Нанзаддорж хуралд оролцохоос татгалзана гэдгийг нөгөө тал мэдээлээд, аль хэдийнэ мэдээ тарааж ҮХЦ-д нөлөөлж буй нь Ерөнхийлөгч Х.Баттулгатай холбоотой ” гэлээ.
