2020 оны ордын зурхай

Шинэ оны эхний өдөр уншигч та бүхэндээ ордуудын 2020 оны ордын зурхайг хүргэж байна.

Хонь

2020 он ихэнх хониныхонд амаргүй жил байх болно. Гэвч шинэлэг зүйлсээс битгий айж, ухар. Таны зорилготой тууштай хөдөлмөрч байдал тань амжилт авчирна. Ганц бие хүмүүс хайр дурлалын асуудалдаа сонголт хийнэ. Жилийн эхний хагаст хувь заяаны гэнэтийн эргэлт гарч магадгүй. Та олон шинэ танилтай болно. Та өөрийгөө нөхөрсөг болон нээлттэй болсон гэдгээ анзаарна. Урт хугацааны түншээ олно. Жилийн хоёрдугаар хагасаас хойш од эрхэс гэр бүлдээ анхаарал хандуулж ажлын цагийн хуваариа өөрчлөхийг зөвлөж байна. Эрүүл мэндийн хувьд бүтэн жилийн турш таны архаг хууч өвчин асуудал болох бололтой. Худал мэдээлэл эргэн тойрон ихээхэн хуримтлагдахыг анхаар.

Үхэр

Ирж буй жил үхэрийн ордныхонд том өөрчлөлтүүд бэлдэж байна. Үйл явдлын өрнөлийг өөрийн талд ашигтайгаар өөрчлөх аз тохиох нь магадлалтай. Хувь заяа танд сорилт илгээж гэнэтийн таагүй асуудлаар бэлэг барьж ч болох тул сэтгэл санааны бэлтгэлтэй байгаарай. Жилийн эхний хагаст мөнгө санхүүгийн алдагдал хүлээж болзошгүй тул чухал гэрээ хэлэлцээр, бичиг баримтад гарын үсэг зурах гэж яарсны хэрэггүй. Энэ үед эрч хүчээ сайн нөөцлөх хэрэгтэй. Хайр дурлалын асуудал дээр өөрийн юу хийхийг хүсэж байгаа гэдгийг зөн совиндоо тулгуурлан сонговол алдахгүй байх болно. Жилийн сүүлийн хагаст өөрийгөө олон нийтэд харуулах боломжийг битгий алдаарай. Хувийн амьдрал болон ажил хэргээ бүгдийг цоо шинээр эхлэхийг хүсэж байгаа бол жилийн сүүлийн хагаст хийх нь тохиромжтой. Гэхдээ ихэнх хүмүүсийн мөнгө санхүүгийн талын төсөл төлөвлөгөө нь бодож төсөөлж байсан хэмжээгээр гүйцэтгэгдэхгүй нь бололтой. Аливаа харилцаанд бусдын эмзэг сэдвийг хөндөхөөс аль болох зайлсхий. Ойр дотныхоо хүмүүсийн эрүүл мэндийн асуудлыг ямар ч ажил хэргээс нэн түрүүнд тавиарай.

Ихэр

Ирж буй 2020 он ихэрүүдийн хувьд бүтээлч байдал нэмэгдсэн жил байх болно. Ажлын шинэ түнш, нөлөө бүхий ивээн тэтгэгчтэй болох магадлалтай. Жилийн эхний хагаст санхүүгийн шийдэмгий алхам хийх хэрэгцээ гарах байх. Ажил хэргийн уулзалт амжилттай болж өнгөрөх төлөвтэй. Бүх анхаарлаа ажилдаа хандуулбал гэнэтийн санхүүгийн хүндрэлүүдийг хурдан давна. Аливаад нухацтай хандаж олон талаас нь харж шийдвэрээ гарга. Жилийн дундуур бэртэж гэмтэх нигууртай байна. Иймд хол газар явах болон аз сорьсон спортоор хичээлэхээс болгоомжил. Жилийн сүүлийн хагаст материаллаг байдал болон сэтгэл санааны өсөлтөнд том амжилт гарна. Хайр сэтгэлийн гэнэтийн учралд аз тохионо. Гэр бүл, хайр дурлалын асуудал дээр анхаарлаа бүү сулруул.

Мэлхий

Ирэх онд мэлхийн ордныхон ажил амьдралаас ачаалал авах хандлага ихтэй ч шинэ зүйлд тэмүүлэх эрч хүч учрал тохиолоор дүүрэн байна. Ихэнхи хүмүүс боломжийг алдалгүй ашиглаж цаг хугацаатай уралдвал амжилт олох ч дарамт шахалт болон хувийн аюулгүй байдалд халдлага ирж байгааг мэдрэх болно. Жилийн эхээр эрүүл мэндээ анхаарч, бие оюуны алжаалаа тайл. Гэр бүлийн харилцаа, хайр сэтгэлдээ анхаар. Аливаа асуудалд яаран шийдвэр гаргахгүй байх нь танд болон таны ойр дотныхонд тустай гэдгийг анхаараарай. Нэгэн хэмийн байдлаа өөрчилснөөр эрч хүчээр цэнэглэгдэж өөртөө итгэлтэй болно. Энэ жилийн дунд үе зарим хүмүүст азтай учрал багагүй зүйл дээр тохиолдох болно. Харин хуурамч баг өмссөн сайхан инээмсэглэлд хууртах магадлал бас байгааг сайн сана. Жилийн эхний хагасаас хойш хугацаанд та хувийн амьдралдаа өөрчлөлт хийхийг ихээр хүснэ. Харамсалтай нь энэ хүсэл тань хуурамч мэдээлэлээс улбаалж болзошгүй. Хайр дурлалын асуудалд анхааралтай бөгөөд хариуцлагатай ханд. Жилийн сүүл рүү та амсхийх завгүй ажилласаныхаа үр дүн сайн сайхныг амтлах болно. Харин энэ үед аялал зугаалгаар явах асуудалд болгоомжтой хандаарай.

Арслан

2020 онд та бүхэн амжилт бүтээлээр дүүрэн байх болно. Ерөнхий хандлага санхүү мөнгөний үйл ажиллагаанд ээлтэй. Гэхдээ мэргэжлийн чиглэлээр явуулах үйл ажиллагаа нь өмнөх үеийнхээс илүү их эрч хүч гаргахыг шаардана. Олон жил мөрөөдсөн зорилгодоо хүрэхийн тулд одоогийн амьдралын хэвшлээ зөв бурууг оновчтой тодорхойлох нь маш чухал байна. Жилийн эхэн үед санхүүгийн хүндрэл болон хөрөнгө оруулалтын бэрхшээл мэтийн асуудал үргэлжлэх хандлагатай. Гэвч урт хугацааны төлөвлөгөөнүүд тань амжилттай хэрэгжинэ гэдэгт итгэлтэй байж болно. Хувийн харилцаа таатай байх ч зарим хүмүүс хууран мэхлэгдэхээс болгоомжил. Жилийн хоёрдугаар хагасаас хойш хийхээр төлөвлөсөн зарим өөрчлөлтүүдийн үр дүн санаснаас өөрөөр гарч болзошгүйг анхаар. Энэ нь од эрхэсийн байрлал болон таны тухайн үеийн ажиллах орчны өөрчлөлтөөс голлон хамаарах бололтой. Зарим асуудал тэвчээртэй байж зарим нэг амралт зугаа цэнгэлийг хайхралгүй ажиллахыг шаардах болно. Гадаадад суралцахаар явах магадлал өндөр байна. Энэ оны сүүл рүү эрүүл мэндээ сайтар анхаарч эрүүл аюулгүй хоол хүнс хэрэглэх талаар анхаар. Мөн сэтгэл санаагаар хатуу байхыг зарим тохиолдол сануулна.

Охин

2020 он энэ ордныхонд санамсаргүй гэнэтийн учралын олон бэлэг өгнө. Оны эхнээс та сэтгэлийн дарамтанд орж магадгүй тул өөрийн ур чадвар, авъяас билгээ бүрэн хэмжээгээр гаргаж чадахгүй бололтой. Зорилгоо сонгох, өөрийн үзэл бодлоо хамгаалах, өөрийн дотоод энергээ төвлөрүүлэхэд зэрэгт бүтээлч хандах нь зөн совин, мэдрэмжээ ашиглан мэргэжлийн ажилдаа амжилт олоход тустай байна. Жилийн эхний хагаст санхүүгийн эрсдэлтэй алхам хийхээс зайлсхий. Мөн мэргэжлийн ажлын хүрээндээ хэт идэвхи зүтгэл гаргах хэрэггүй. Удирдан зохион байгуулах чадвар өндөр байх ч улс төрөөс хамааралтай байх нь эрсдэлтэйг од эрхэс зөвлөж байна. Жилийн сүүлийн хагасаас амьдралын эрч хүч өсөн нэмэгдэнэ. Хайр дурлалын асуудал дээр шинэлэг өөрчлөлт хийхийг орчин нөхцөл тань танаас шаардаж байна. Найдваргүй хүнтэй харьцах, шинэ хүнтэй танилцах зэрэгт анхааралтай байхыг сануулж байна. Эрсдэлтэй үйлээр өөрийгөө сорьж, шалгах нь хамгийн эхэнд эрүүл мэндийг тань асуудалд оруулах магадлалтай.

Жинлүүр

2020 он жинлүүрийн ордныхонд шинэ содон санаа, эрч хүч хангалттай өгч байна. Боломжийг алдалгүй ашиглахын тулд цаг хугацаатай уралдан завгүй байх болно. Харин зарим хүмүүс үүнийг дарамт шахалт гэж хүлээн авах магадлалтай тул цаг үеэ зөв мэдрэх хэрэгтэй болно. Жилийн эхээр од гарагс таныг ивээж байгаа тул танд амжилт ойрхон байна. Эрүүл мэндэд асуудал гарч, өвчинд ороогдох, архаг хууч өвчин сэдрэх нигууртай. Хувийн амьдрал амжилтгүй байх тул үүнтэй холбогдон урам хугарах болно. Жилийн 2 дахь хагаст та хувийн амьдралдаа өөрчлөлт хийхийг хүснэ. Харамсалтай нь энэ хүсэл тань хуурамч мэдрэмжээс улбаалж болзошгүй. Хайр дурлал дээр анхааралтай бөгөөд хариуцлагатай ханд. Жилийн эхний хагаст та амсхийх завгүй ажиллаж байж үлдсэн хугацаанд амьдралын сайхан амтыг амтлах боломжтой гэдгийг эртхэн ухаар.

Хилэнц

Энэ ордныхоны хувьд олз омогтой, амжилт бүтээлтэй байх жил ирж байна. Эрч хүч их байх боловч ажлын талбар дээр анхаарал болгоомжтой байвал мэргэжлийн үйл ажиллагааны хүрээнд амжилт дүүрэн байна. Аливаа материаллаг эд баялагийг юун түрүүнд бүү гол болго. Од эрхэс санамсаргүй учралаар хэн нэгэнтэй гүн гүнзгий холбоотой болохыг зөгнөж байна. Жилийн эхэн үед санхүүгийн хямралд өртөж болзошгүй тул хэрэгцээгүй худалдан авалт хийж зарлага гаргахаас татгалзаарай. Сэтгэл санаагаа бүрэн удирдаж сурвал ойртож буй аюулыг мэдрэх чадвараа хөгжүүлж чадна. Энэ оны дунд үед хайр сэтгэлийн адал явдалд хэт татагдахаас болгоомжил. Аялал зугаалга таны сонирхлыг ихэд татах бололтой. Жилийн сүүл рүү ихэнхи хүмүүсийн эрүүл мэнд чилээрхэх бөгөөд амралтаараа рашаан сувилалд явж биеэ тэнхрүүлэх хэрэгтэйг сануулж байна.

Нум

2020 он энэ ордны хүмүүсийн хувьд үйл явдалаар дүүрэн байх болно. Сэтгэл дундуур байсан ч харилцан буулт хийхийг шаардсан асуудлууд олон гарах тул бухимдаж цухалдалгүй өрнөж буй үйл явдалд эрүүл ухаанаар ханд. Жилийн эхний хагаст та бүх зүйлд идэвхитэй байх нь зарим нөхцөлд хэцүү байдалд оруулах болно. Ганц бие хүмүүс эрсдэл гаргаж, өөр хайр дурлалтай учирна. Хувийн амьдралд орж ирэх шинэ хүмүүстэй маш дотно нөхөд болох магад. Бүтээлч байдал болон зөн билгийн чадвар нэмэгдэнэ. Хувь тавиланд гэнэтийн эргэлт гарч мэднэ. Жилийн хоёрдугаар хагаст танд амралт хэрэгтэй болно. Таны эрч хүч дуусашгүй биш учир эрүүл мэнддээ анхаарал хандуулвал зохино. Ажиллаж хөдөлмөрлөх чадвар их байх ч анхаарал төвлөрлийг шаардаж байгаа ажлыг гүйцэтгэхэд гадны саад бэрхшээл гарна. Энэ хугацаанд хийх аялал таныг адал явдалтай учруулна.

Матар

Энэ жилийн эхэн үеэс матарын ордныхон санхүүгийн талаар хангалттай байх боломжийг од эрхэс зөгнөнө. Нөхөрлөл түншлэлийн хувьд хэзээ ч уйдахааргүй жил байх бололтой. Үл хөдлөх хөрөнгө зэрэг томоохон худалдаа хийх эсвэл хувьцаа эзэмшигч болоход тохиромжтой. Жилийн эхний хагаст эрүүл мэндийн тал дээр та хэт их ачааллыг үүрэх бололтой. Ирэх онд олны анхаарлын төвд байж нийгмийн байр сууриа өөрчлөх бодолтой байгаа бол оюун бодлоо үргэлж цэгцлэн, хэлэхээсээ өмнө үгээ бодох хэрэгтэй. Жилийн дунд үед зарим хүмүүст хүсэл мөрөөдлөө дагах уу эсвэл эрх ашгийн хойноос явах уу гэдгээ сонгох хүндхэн сонголт тулгарах болно. Гэр бүлд үүсэх маргааныг хэт дэвэргэх хандлага их байна. Жилийн сүүлийн хагаст эрүүл мэнддээ анхаарлаа хандуулж, ужиг хууч өвчин сэдрэхээс урьдчилан сэргийлэх арга хэмжээ аваарай. Хайр дурлал дээр таны бодсон бүх зүйл сайнаар эргэх тул бүү санаа зов. Ахмад хүмүүсийн үгийг сонсож, бусадтай маргахаас үргэлж зайлсхий.

Хумх

Хумхын ордныхон ирж буй шинэ жилд сэтгэлийн хөдөлгөөн ихтэй байх болно. Од эрхэс бие сэтгэлээ сайн барьж, сэтгэл санааны байдлаа хүчтэй илэрхийлэх хэрэггүй гэж анхааруулж байна. Бие сэтгэлээ хэт ядраахаас сэргийлэхгүй бол энэ нь таны эрүүл мэндэд муугаар нөлөөлнө. Жилийн эхний үед цаг агаарын байдлаас болоод таны бие эвгүйрхэж болзошгүй. Ганц бие хүмүүст хайр дурлалтайгаа учирах боломж олдоно. Таны хувийн амьдрал энэ жил хайр дурлалаар дүүрэх боловч эргэн тойрныхоо зарим хүмүүст анхаарал хандуулахаа мартуузай. Жилийн дундуур шинэ ажил эхлүүлэх гэж зарим төслөө дутуу орхиж магад. Үүний хожмын үр дагаварыг сайн бодооорой. Жилийн 2 дахь хагаст ажил хэргийн тал дээр том боломжууд гарах учир хувийн жаргалд хэт их анхаарч боломжийг алдахаас зайлсхий. Зарим хүмүүс энэ онд санаандгүй байдлаар ихээхэн өндөр албан тушаалд хүрэх магадлалтай.

Загас

Ирж буй жил танд амжилттай байна. Оны эхнээс эрүүл мэнддээ анхаарлаа хандуулаарай. Гадаад харилцаа холбоонд таатай сайхан нөхцөл бүрдэнэ. Олон нийттэй харилцахдаа өөрийгөө өөрчлөх гэсний хэрэггүй зүгээр л нийтэч бөгөөд нээлттэй байхад болно. Жилийн дунд үед амьдралын эрч хүч маш өндөр байна. Харин та эртнээс ажилдаа эрчимтэй ханцуй шамлан орохгүй бол жилийн эцэс рүү байдал хэцүүднэ. Чухал гэрээ хэлэлцээр хийхэд тохиромжтой өдрүүд олон байна. Бусдын муу нөлөөнд аажмаар автах магадлал өндөр байгааг анхааруулж байна. Хайр дурлалын харилцаанд та өөрт тохирох хүнээ олох бөгөөд зөв газраа, зөв цагтаа уг харилцааг эхлүүлбэл тэр нь сайхан амьдрал болон үргэлжилнэ. Жилийн сүүлийн хагаст гарч ирэх гэнэтийн мэдээлэлд самгардалгүй буурь суурьтай хандах нь таны цаашдын амжилтанд ихээхэн нөлөөлөх бололтой.