“Хаадын ширээний тоглоом” киноны зураг авалтыг Исландад хийжээ

Ердөө долоо хоногийн өмнө “Хаадын ширээний тоглоом” киноны 8-р цувралын сүүлийн анги нь дэлгэцнээ гарсан. Тэгвэл киног бүтээсэн уран бүтээлчдийн багийн тухай баримтат киног HBO суваг гаргажээ. Хоёр цаг гаруй үргэлжлэх “Хаадын ширээний тоглоом- Сүүлчийн харуул” нэртэй баримтат кинонд үзэгчдийг байлдан дагуулсан кино хэрхэн бүтсэнийг харуулжээ.

“Хаадын ширээний тоглоом” киноны сүүлийн цувралын зураг авалт хэрхэн явагдсан, уран бүтээл хэрхэн мэндэлснийг харуулсан баримтат киног Британийн найруулагч Жинни Финлэй бүтээжээ. Тэрээр 8 цувралын турш үзэгчдийг байлдан дагуулсан киног бүтээхийн тулд уран бүтээлчид хэрхэн ажиллаж байсныг, арын албаныханы хүнд хэцүү, цаг наргүй ажлын явцыг харуулсан байна. Киноны зураг авалтын дийлэнх хэсэг Исландад, мөн Хорватын Дубровник болон Умард Ирландын Белфаст хотод явагджээ.