“Жэжү хотын ХАА-н бүтээгдэхүүний экспортыг дэмжих хоршоо- Скай Хайпермаркет ХХК” харилцан ойлголцлын санамж бичиг байгууллаа

"Скай Хайпермаркет” ХХК нь Жэжү хотын “ХАА-н бүтээгдэхүүний экспортыг дэмжих хоршоо”-той Харилцан ойлголцлын санамж бичиг үзэглэх арга хэмжээ боллоо. И март хайпермаркет нь үйлчлүүлэгчдийнхээ хэрэглээг  үргэлж сайжруулж, чанартай бараа бүтээгдэхүүнийг худалдаалахыг зорин ажилладаг билээ. 2019 онд Амьд загасыг анх удаа Монголд Жэжү арлаас шууд импортлон авчирч, хэрэглэгч үйлчлүүлэгчиддээ худалдаалж байсан. Мөн 2020 оноос эхлэн Жэжү арлын эрүүл, органик хүнсний бүтээгдэхүүнийг шууд импортлон, үйлчлүүлэгчиддээ хүргэх зорилго тавьснаар жимс, ногооны худалдаагаар өргөжүүлэн Халобонг жүрж, Рэдхян жүрж, Голден киви, Жэжү мандарин зэргийг шууд импортлож байна. Энэхүү харилцан ойлголцлын санамж бичигт гарын үсэг зурснаар Жэжү хотын ХАА-н бүтээгдэхүүний экспортыг дэмжих хоршоотой хамтын ажиллагаагаа илүү өргөжүүлэн илүү олон нэр төрлийн эрүүл, органик бараа бүтээгдэхүүнийг үйлдвэрлэгч, тариаланчдаас шууд  Монголд импортлон худалдаалах боломжтой юм.