LIVE МЭДЭЭ
Цагдаагийн ерөнхий газрын Хэвлэл мэдээллийн төсвийн дарга, хурандаа Б.Баатархүү өнөөдөр /2021.05.19/ цаг үеийн асуудлаар мэдээлэл хийлээ. Нийслэлийн 97-р сургуулийн гурван давхраас тус сургуулийн монгол хэл, бичгийн багш нас барсан хэрэг өчигдөр гарсан юм. Хэргийн талаар “Нас барсан 43 настай эмэгтэй нь сургуулийнхаа гурван давхрын аваарын шатнаас унаж, эмнэлэгт хүргэгдсэн боловч хагалгаанд орж амжилгүй таалал төгссөн байна. Тус хэргийн мөрдөн шалгах ажиллагааг Баянзүрх дүүргийн цагдаагийн хэлтэс явуулж байгаа. Камерийн бичлэг зэргийг нотлох баримтаар хураан авсан” гэлээ.
Мөн Булган аймагт салсан эхнэрээ онц хэрцгийгээр хөнөөсөн хэрэг өнгөрөгч тавдугаар сарын 16-нд гарсан. Тус хэргийн талаар “Задлан шинжилгээний дүгнэлт эцэслэн гараагүй байгаа. Тухайн үед хүүхэд нь цагдаагийн байгууллагад мэдээлэл өгсөн. Гэмт хэрэг үйлдэх болсон шалтгаан, нөхцлийг тогтоохоор Булган аймгийн цагдаагийн байгууллага мөрдөн шалгах ажиллагааг явуулж байна. Хүүхдүүдийг нь ар гэрийнхний хамгаалалтад өгсөн. Хэрэг үйлдсэн этгээдийг цагдан хорих, таслан сэргийлэх арга хэмжээ авсан” гэлээ.
